काठमाडौं : फोहोर बोक्ने गाडीलाई लिएर महानगरपालिका चालकबीच विवाद बल्झिँदा विहीवार दिनभर सिँगो काठमाडौ उपत्यकाको फोहोर उठन सकेन । अखिल नेपाल यातायात मजदुर संघ कामपा एकाइले ५०१९ नम्बरको अशोक लेलन गाडी आफूले चलाउन पाउनुपर्ने अडान राख्दै काम ठप्प पारेपछि फोहोर उठन नसकेको हो ।

रामेछाप : पँधेरो रुङन बसेका मानिसको आँखा छलेर राति नै पँधेरोको पानी हराउन थालेपछि चिसापानी गाविस १ का ८५ घरधरीले काकाकुल बन्नुपरेको छ । ९० घरधुरीले पिउने पानीको एक मात्र स्रोत रहेको रिटठेको पँधेरोमा दैनिक एक सय रुपैयाँ तलब दिएर रुङन राखेको मानिसले समेत पानी जोगाउन नसकेको स्थानीय उपभोक्ता बताउँछन् ।

काठमाडौं : सर्वोच्च अदालतले खानेपानी संस्थानका कार्यकारी अध्यक्ष महेश दत्तलाई पदमा यथावत काम गर्न दिन सरकारलाई आदेश दिएको छ । भौतिक योजना मन्त्रालयले कानुनी आधारिबिनै पक्षपातपूर्ण निर्णयगरेको भन्दै सर्वोच्चले यस्तो दिएको हो ।

कुस्मा : पर्वत जिल्लाका सवै गाविसलाई दुइ वर्षभित्र खुला दिसामुक्त क्षेत्र बनाउने अभियान अर्न्तर्गत रानीपानी गाविसका चार सय घरमा पक्की चर्पी निर्माण गरिएको छ । जिल्ला विकास समिति र पश्चिम नेपाल ग्रामीण खानेपानी तथा सरसफाई परियोजनाको पहलमा जिल्लाका ५५ वटै गाविसलाई खुला दिसामुक्त गाविस बनाउने अभियान सुरु गरिएको हो । सवै घरमा पक्की चर्पी निर्माण भएपछि रानीपानी गाविस पक्की चर्पीसहीतको जिल्लाको एकमात्र गाविस घोषणाको तयारीमा रहेको छ ।

विगत महिना दिनदेखि काठमाडौका १९ र २६ वडा जिम गल्ली, टम्मो गल्लीभित्रको बासिन्दा खानेपानीबाट वञ्चित छन र खानेपानीको सट्टामा खानेपानीको पाइपबाट आउने अप्रोशोधित बोरिङको पानी खान बाध्य छन् ।