बैतडी : गत चैत्रको तेस्रो साता दार्चुलामा ५.७ रेक्टर स्केलको भूकम्प जाँदा छिमेकी जिल्ला बैतडीमा भूकम्पको झटकाले जमिन हल्लिदा बैतडीका पानीका मुहान भूगर्भभित्र भसिँदा महान सुक्न थालेका छन् ।

रामेछाप : रामेछापको पूर्वीक्षेत्र सालु ढुंगेछापमा केही यता खानेपानीको हाहाकार भएको छ । यहाँका झन्डै ५० घपरिवार एक गाग्री पानी लिन नजिकै पानीको स्रोत नभएका कारण चार घण्टा तलको धारापानी खोला र पाँचघण्टा परको सुकाजोर र ओखेनी गाविससम्म जान बाध्य छन् । खानेपानीका लागि गाउँलेले सकेसम्म पहल गरे पनि सफल हुन नसकेको स्थानीयवासीको दुःखेसो छ ।

इटहरी : इटहरी साना सहरी खानेपानी तथा सरसफाइ उपभोक्ता संस्थाले खानेपानी महसुल चौबर बनाएको छ । महसुलको अप्रत्ययासित र चर्को वृद्धिले उपभोक्ता मारमा परेका छन् । साना सहरी योजना निर्माण गर्दा नगर विकासबाट लिएको ७ करोड ९ लाख रुपैयाँ ऋण तिर्न भन्दै संस्थाले पानीको महसुल बढाएको हो ।

ओखलढुंगा : यहाँको ठूलाछाप गाविसका झन्डै डेढ सय घरधुरीका उपभोक्ताले एउटै धारोबाट काम चलाउनुपरेको छ । खानेपानीको मुहान सुक्दै गएपछि ठूलाछाप, ४ निशंखे बजारका १ सय ४१ घरधुरी  र पाँच कार्यालयका उपभोक्ता एउटै धारा प्रयोग गर्न बाध्य भएका छन् ।

बैतडी : गाउँमा पक्की चर्पी छ तर वर्षा दस महिना ताला लगाएको हुन्छ दुइ महिना मात्र प्रयोगमा आउँछ । त्यो पनि वर्षायाम शुरु भएपछि यो समस्या भोग्दै आएका छन् मल्लादेही ९ का बासिन्दाले असार साउनमा पानी परेपछि मात्र चर्पीको ताला खुल्छ अन्य दश महिना भने ताला लगाउने गर्छन ।