काठमाडौं : काठमाडौं उपत्यकामा खानेपानी आपूर्ति गर्ने ट्यांकर व्यवसायीमध्ये अधिकांशले मातातीर्थ गाविसबाट पानी ओसार्छन् ।

बाजुरा : सदरमुकाम मार्तडीमा ल्याइएको खानेपानी पाइपबाट पशुको मलमुत्र र जुका आउन थालेपछि उपभोक्ताको स्वास्थ्य जोखिममा परेको भन्दै स्वास्थ्यकर्मी सचेत रहन भनेका छन् ।

काठमाडौ : चिकित्सकहरूले हैजा र झाडाबाट जोगिन उमालेको पानी मात्र पिउन सल्लाह दिएका छन् । फिल्टरको पानी प्रयोग गर्ने उपभोक्तामा हैजाको संक्रमण देखिएपछि चिकित्सकले यस्तो सल्लाह दिएका हुन् । क्यान्डिल फिल्टरले रोग उत्पन्न गर्ने कीटाणु छान्न नसक्ने भएकाले पानी उमालेर प्रयोग गर्नुपर्ने उनीहरूको सुझाव छ ।

काठमाडौं उपत्यकामा खानेपानी वितरणको जिम्मा लिएको काठमाडौ उपत्यका खानेपानी लिमिटेड (केयूकेएल) को गैरजिम्मेवारीपूर्ण कार्यले सर्वसाधारणले सास्ती पाएका छन् । कयूकेएलले धरामा पानी आउने दिनको तालिका पनि प्रकाशनमा ल्याएको देखिन्छ तर तालिकाबमोजिम धारामा पानी आउनु त परै जाओस हावासम्म पनि आउँदेन । जलस्रोतमा दोस्रो धनी भनेर चिनिए पनि उपभोक्ताले झल्नुपरेको दुःखकष्ट र हैरानीले उक्त भनाइउको खण्डन गर्दछ ।

मुलुकमा राजनीतिक जोडघटाउ तीव्र भइरहेका बेला राजधानीमा नै झाडापखाला र हैजाका विरामीहरु बढेको समाचार प्रकाशमा आएको छ । यो सरुवा रोगको बेलैमा नियन्त्रण गरिएन भने यसले गम्भीर अवस्था सिर्जना गर्ने निश्चितप्रायः रहेको छ । जेठ १४ नजिकै आइरहेको छ र त्यसपछि के होला भन्ने चासो जनमानसमा पनि उत्तिकै छ ।