Quote UnQuote

"Education and awareness is must to improve water and sanitation situation in the country. If we failed to deploy all state mechanisms...."

Top Bahadur Rayamajhi
Minister, Ministry of Local Development 

Read more...

Traditional Water Sources

Stonespouts
 
No Image
पानीको अभाव भएपछि गाउँ छोडदै Print E-mail
Posted by Administrator   
Friday, 19 November 2010

मन्थली : कठजोरको दक्षिणी क्षेत्रमा पर्ने दुलीमदौ र पुरानागाउँका बासिन्दा खानेपानीको अभाव भएपछि बसाइँ सर्ने भएका छन् । यस वर्ष पानी नपरेकाले ती दुवै ठाउँमा खानेपानीको संकट छ ।

पर्याप्त वर्षनहुँदा खानेपानी मुल सुकेपछि स्थानीय वासिन्दा अहिलेसम्मकै खानेपानीको अभाव बेर्होदै आएका छन् । अहिले पनि गाउँलेहरु पानीको पालो कुर्न जंगलको पँधेरामा रात विताउन बाध्य छन् । 'यो महिनासम्म जेनतेन धानीएला' स्थानीय ठडेन्द्र बहादुर थापाले भने 'पानी नभएपछि गाउँ छोडेर हिँडने योजना बनाएका छौ । कतिपय परिवार खानेपानी नपाएपछि बेसीमा सरिसकेका छन् ।' पुरानागाउँको वस्ती नै खाली हुने भएको उनले बताए । पुरानागाउँमा पानीको धारा छन तर पानी छैन । धारामा आउने पानीको मुहान सुकेपछि पुरानागाउँका गृहिणीहरु गाग्री लिएर डाँडापारिको कठजोरमा पानी माग्न जान थालेका छन् । कठजोरमा समेत गत वर्ष जस्तो पानी पर्याप्त छैन । 'अरुको गाउँमा माग्न जान पनि लाज भइसक्यो' स्थानीय सावित्री वस्नेतले भनिन् । 'आजअघि यस्तो समस्या कुनै वर्षपनि भएको थिएन' ठुलीमदौका मोहनबहादुर थापाले भने । करिब १ सय परिवार बसोबास रहेको यहाँको वासिन्दा रणजेर खोलासम्म पुगेर पानी ल्याउन थालेका छन् । ती ठाउँबाट पानी ल्याउन पुरै आधा दिन लाग्छ । स्थानीय रालटार, भदौरे, गैडाटोल, माझटोल, थापागाउँ, हाडीस्वरा लगायतको स्थानमा स्थानीयलाई खानेपानीको सास्ती छ ।
ठूलोगाउँको एउटै पँधेरामा आजभोलि पानी कुर्नकालागि महिलाभन्दा पुरुष धेरै भेटिन्छन् । जंगलछेउको खोलामा रहेको पँधेरामा रातभर गुन्द्री हालेर पानी कुर्न पनि पुरुष नै अघि सर्नुपरेको छ । दिउँसो अरु काममा व्यस्त हुने गाउँलेहरु रातभर जाग्राम बसेर पानी कुर्नुपर्दा हैरान भएको गुनासो गर्छन । 'यसरी कति दिन विताउनु ? ऐलानीमा भए पनि पानीनजिकै छाप्रो बनाएर बस्ने सल्लाह हुँदैछ' स्थानीय भीमबहादुर खत्रीले भने । केही वर्षअघि पानीको समस्या टार्नकै लागि नजिकैको सानीमदौका वासिन्दा बेसीमा सरेका थिए । गाउँमा धेरै जग्गाजमिन भए पनि पानी नहुँदा बेसी सर्नु सानीमदौका वासिन्दा बाध्य भएका थिए । गाउँले पानीको सुविधाको लागि बेसी सरेपछि अहीले सानीमदौ उजाड बनेको छ । बेसीमा जग्गा जमिन नहुने केही परिवार घन्टौ लागएर बोकेको पानी खाएर गाउँमा नै बस्न बाध्य छन् । बेसीमा जिल्ला सदरमुकाम वासीले प्रयोग गर्दै आएको योजनाबाट पानी वितरणको व्यवस्था गरिएको छ । ठूलीमदौ, पुरानागाउँ र सानीमदौ मात्र होइन दक्षिणी रामेछापको अधिकाँश गाउँमा खानेपानीको अभाव उस्तै छ । दक्षिणी क्षेत्रमा पर्ने करिब २० गाविसमा पर्याप्त वर्षानभएपछि पानीको संकट छ । जिल्ला सदरमुकाम मन्थलीमा वितरणको लागि ल्याएका तीनवटा सतही मुलमा पानी सुकेपछि खानेपानीको नियमित आपूर्तिमा समस्या पर्दै आएको मन्थली खानेपानी तथा सरसफाइ उपभोक्ता समितिका व्यवस्थापक जगदीश सुवेदीले बताएका छन् । उनका अनुसार मन्थलीमा हाल तामाकोसी किनारको पानी विद्युत मोटरबाट तानेर वितरण गर्ने प्रबन्ध गरिएको छ ।
स्रोत : कान्तिपुर दैनिक, ०६७ मंसिर ३, पेज नं. १७

 
< Prev   Next >
No Image
No Image No Image No Image
 

Water Tariff Updates

News
Notices
Videos
Photos

Rainwater Harvesting

RWH Updates
RWHS Calculator
No Image
Development supported by
UNHABITAT WAC Programme
Hosting supported by
Water Aid
© 2022 NGO Forum - Nepal
powered by nepalonline.
No Image