कञ्चनपुर : कञ्चनपुरको सदरमुकाममा पर्ने भएपनि दुर्गम मानिएको मटैनाका राउटे परिवारलाई खानेपानीको समस्या भएको छ । भीमदत्त नगरपालिका ९ मटैनामा वर्षौदेखि बस्दै आएको राउटे परिवारहरुले आफूहरुलाई पानीको समस्या भएपछि अधिकाँश बसाई सरेका छन् ।

दशकौदेखि बसोवास गर्ने राउटेको विषयमा सरकारको वेवास्ताले पानीको समस्या भएको हो । सरकारले भत्ता दिन्छ के गर्ने पानी छैन, लालबहादुर रावतले भन्नुभयो भत्ताले गर्ने के ? खान र लाउन पनि पुग्दैन रावतले भन्नुभयो पानीका लागि आधा दिन हिँडेपछि पानी महाकाली नदीबाट घर पुग्छ  पानीलगायत कन्दमुलको समस्याले अन्य परिवार बसाई सरेपछि राउटेका दुइ परिवार मात्रै छन् । दुइ वर्षअघिसम्म १३ परिवार भएकामा वाँकी यस्तै विभिनन समस्याले जोगबुडाको आमपानी बसाईसराई गरेर गएका भीनपा ९ का वडा सचिव गगन नाथले बताउनुभयो । पानी र वासको अभावले भएका दुइ परिवार पनि विगत लामो समयदेखि एक सामुदायिक वनभित्र आश्रय लिएर बसिरहेको सचिव नाथले जानकारी दिनुभयो । उपभोक्ताहरुले सामुदायिक वनमा जान नदिने गरेकाले आफूहरुको रोजीरोटी खोसिएको बताउँदै रावतले सिकार खेल्न र जंगली कन्दमुल खान नै समस्या भएको बताउनुभयो ।
स्रोत : गोरखापत्र दैनिक, ०६७ पौष २, पेज नं. १३